वीरगन्ज। पर्साको वीरगन्ज महानगरपालिकाबाट ४२.७२० ग्राम खैरो हेरोइनसहित दुईजना पक्राउ परेका छन्।
लागुऔषध नियन्त्रण ब्युरो शाखा कार्यालय वीरगन्ज र प्रहरी चौकी इनर्वाबाट संयुक्त रूपमा खटिएको प्रहरी टोलीले उनीहरूलाई पक्राउ गरेको हो।
प्रहरीका अनुसार पक्राउ पर्नेमा तनहुँको म्याग्दे गाउँपालिका– ६ निवासी २८ वर्षीय अमित दर्जी र म्याग्दे गाउँपालिका– २ निवासी २९ वर्षीय दीपक परियार रहेका छन्।
उनीहरूको साथबाट ४२.७२० ग्राम खैरो हेरोइन र दुई थान मोबाइल फोन बरामद गरिएको प्रहरीले जनाएको छ।
पक्राउ परेका दुवैजनालाई थप अनुसन्धान तथा आवश्यक कानुनी कारबाहीका लागि जिल्ला प्रहरी कार्यालय पर्सामा बुझाइएको लागुऔषध नियन्त्रण ब्युरोले जनाएको छ।
