न्यायपरिषद्को बैठकले उच्च अदालतमा तीन न्यायाधीशको नियुक्ति सिफारिस गरेको छ। परिषद्को मंगलबार बसेको बैठकले सर्वाेच्चका रजिस्ट्रार भद्रकाली पोखरेल, जिल्ला अदालत, कास्कीका न्यायाधीश हेमलाल बेल्बासे र फैसला कार्यान्वयन निर्देशनालयका महानिर्देशक गजेन्द्रबहादुर सिंहको नियुक्ति सिफारिस गरेको हो।
पोखरेललाई उच्च अदालत, सुर्खेत, बेल्बासेलाई उच्च अदालत, जनकपुर र सिंहलाई उच्च अदालत, विराटनगरमा सिफारिस भएको छ।
त्यस्तै, सर्वाेच्चका उपसचिव भरतकुमार दाहाललाई जिल्ला न्यायाधीशमा सिफारिस गरिएको छ।
रिक्त रहेको सर्वाेच्चमा भने नियुक्तिबारे निर्णय भएको छैन।
