इंग्लिस प्रिमियर लिगमा ब्राइटनले कोभेन्ट्री सिटीलाई ५–० ले पराजित गरेको छ । आइतबार राति भएको खेलमा ब्राइटनलाई सहज जित दिलाउन चारालाम्पोस कोस्टोलास, मालिक योलकोय, बास्कोल ग्रोब, लेविस टंक र यासिन आयरीले समान एक गोल गरेका थिए । चार खेलमा दोस्रो जितपछि ब्राइटन ७ अंकसहित चौथो स्थानमा उक्लिएको छ ।
खेलको ५३औँ मिनेटमा टाइवो अयोनियीले रातो कार्ड पाएपछि कोभेन्ट्री दश खेलाडीमा सीमित भयो । यता फ्र्यांक लाम्पार्ड प्रशिक्षक रहेको कोभेन्ट्रीले चार खेलमा कुनै गोल गर्न सकेको छैन । यसै सिजन प्रिमियर लिग खेल्न बढुवा भएको टोलीले १० गोल व्यहोर्दा पुछारमा रहेको छ ।
See More On
