रसुवाको भोटेकोशीमा आएको विनाशकारी बाढीबाट प्रभावित समुदायको राहत तथा पुनर्स्थापनामा सहयोग पुर्याउने उद्देश्यले भायानेट कम्युनिकेसन्स लिमिटेडले प्रधानमन्त्री दैवीप्रकोप उद्धार कोषमा २० लाख सहयोग प्रदान गरेको छ ।
विपत्तिको समयमा प्रभावित व्यक्ति, परिवार तथा समुदायप्रति ऐक्यबद्धता प्रकट गर्दै उक्त सहयोग प्रदान गरिएको कम्पनीले जनाएको हो । यस्तो वेला राहत तथा पुनर्स्थापनाका कार्यमा योगदान पुर्याउनु सामाजिक उत्तरदायित्वको महत्वपूर्ण पक्ष रहेको भायानेटको विश्वास छ ।
प्रदान गरिएको यस सहयोगबाट रसुवा बाढीबाट प्रभावित नागरिकका लागि सञ्चालन भइरहेका सरकार नेतृत्वका राहत, उद्धार तथा पुनर्स्थापनाका कार्यमा योगदान पुग्ने अपेक्षा गरिएको छ ।
साथै, बाढीमा परी ज्यान गुमाउनेप्रति कम्पनीले श्रद्धाञ्जली अर्पण गरेको छ । साथै, कम्पनीले राहत, पुनर्स्थापना तथा पुनर्निर्माणका लागि भइरहेका राष्ट्रिय प्रयासमा आवश्यक सहयोग र सहकार्यलाई निरन्तरता दिने प्रतिबद्धता पनि जनाएको छ ।
