भदौ १० गते आएको भोटेकोशी बाढीपछि बेपत्ता हुनेको संख्या करिब ५ हजार पुगेको छ। बाढीपछि हराइरहेका व्यक्तिको संख्या ४ हजार ९९६ पुगेको राष्ट्रिय विपत् जोखिम न्यूनीकरण तथा व्यवस्थापन प्राधिकरणले जनाएको छ।
गृह मन्त्रालयअन्तर्गतको प्राधिकरणले भदौ २० गते दिउँसोसम्मको अद्यावधिक विवरण सार्वजनिक गर्दै बाढीमा परी हालसम्म १ हजार ३४४ जनाको मृत्यु पुष्टि भएको जानकारी दिएको हो।
प्राधिकरणका अनुसार बाढीपछि बेपत्ता भएकामध्ये रसुवामा १६०, नुवाकोटमा १९२, धादिङमा ६७, गोरखामा ७३, तनहुँमा ३८, नवलपरासी पूर्वमा २२२, नवलपरासी पश्चिममा २३० र चितवनमा ३६० जनाको शव फेला परेको छ।
यसैगरी, बाढीमा परी घाइते भएका दुईजनाको काठमाडौंमा उपचारका क्रममा मृत्यु भएपछि मृतकको संख्या १ हजार ३४४ पुगेको प्राधिकरणले जनाएको छ।
बेपत्ताको संख्या ठुलो रहेकाले विभिन्न प्रभावित क्षेत्रमा खोज तथा उद्धार कार्य जारी रहेको जनाइएको छ।
