नेपाल इन्भेस्टमेन्ट मेगा बैंक लिमिटेडले रसुवाको भोटेकोशी बाढी प्रभावितको खोजी, उद्धार, राहत तथा पुनस्र्थापनाका लागि प्रधानमन्त्री दैवीप्रकोप उद्धार कोषमा चार करोड एक लाख रकम जम्मा गरेको छ ।
प्राकृतिक विपत्का कारण रसुवा, नुवाकोट, धादिङ, गोरखा, तनहुँ, चितवनलगायतका जिल्लामा मानवीय तथा भौतिक क्षति तथा नागरिकको दैनिक जीवन प्रभावित भइरहेको भन्दै बैंकले सहयोगका लागि कोषमा रकम सहयोग गरेको जनाइएको छ ।
साथै, विपत्को यस कठिन घडीमा प्रभावित नागरिकको साथमा रहँदै खोजी, उद्धार, राहत तथा पुनस्र्थापनाका कार्यमा सरकार तथा सम्बन्धित निकायलाई सहयोग पुर्याउने पनि बैंकले ऐक्यबद्धता जनाएको छ । ज्यान गुमाउनेप्रति श्रद्धाञ्जली, घाइतेको स्वास्थ्यलाभको कामना र सम्पर्कविहीनको सकुशल उद्धारको पनि कामना गरेको छ ।
See More On
