नागपञ्चमीका लागि नागको चित्र बनाउँदै ७२ वर्षीया वृद्धा (तस्बिरहरू)

काभ्रेपलाञ्चोक जिल्लामा जन्मेर भक्तपुरमा विवाह गरेकी चित्तकुमारी चित्रकार हाल ७२ वर्ष पुगिन्। उनले २१ वर्षको उमेरदेखि नै नागको चित्र बनाएर नागपञ्चमीका दिन बिक्री गर्दै आएकी छिन्। उनका श्रीमान् र छोराहरू पनि भक्तपुरमा हुने विभिन्न जात्राका देवी-देवताका मूर्ति तथा मास्कहरूमा रङ भर्ने  काममा संलग्न छन्।

विगतका वर्षहरूको तुलनामा यो वर्ष नागको चित्र बनाउने काम केही कम गरेकाे चित्तकुमारी बताउँछिन्। पहिले-पहिले उनले बजारमा नियमित बिक्रीका लागि पनि चित्र पठाउने गरेकी थिइन् । तर, यसपालि भने अर्डर आएका कामहरू मात्र गरेकी छिन्। यस वर्ष उनले दुई आकारका नागका चित्र मात्र तयार पारेकी छिन् । जसअनुसार सानो फोटोको मूल्य ५० रुपैयाँ र ठुलो फोटोको मूल्य एक सय रुपैयाँ तोकिएको छ। यस वर्षको नागपञ्चमी भदौ १ गते परेको छ।