२० हजार घुससहित पक्राउ परेका मालिगाउँ वृत्तका सइलाई एक महिना कैद

२० हजार रुपैयाँ घुससहित पक्राउ परेका प्रहरी वृत्त मालीगाउँका प्रहरी नायब निरीक्षक(सइ)लाई अदालतले दोषी ठहर गरेको छ। विशेष अदालतले बुधबार उनलाई दोषी ठहर गरी एक महिना कैद, २० हजार जरिवाना र आठ सय रुपैयाँ पीडित राहत कोषमा जम्मा गर्न भनेको हो । 

न्यायाधीशहरू नारायणप्रसाद पौडेल, डिल्लीरत्न श्रेष्ठ र उमेश कोइरालाको इजलासले गत २५ वैशाखमा दायर भएको मुद्दामा फैसला सुनाएको हो। गत १७ चैतमा अख्तियार दुरुपयोग अनुसन्धान आयोगले उनलाई पक्राउ गरेको थियो।