१०औँ राष्ट्रिय खेलकुद प्रतियोगिता आगामी मंसिर १६ देखि २९ गतेसम्म कर्णाली प्रदेशमा आयोजना हुने भएको छ।
राष्ट्रिय खेलकुद परिषद् (राखेप)को १२५औं बोर्ड बैठकले १०औँ राष्ट्रिय खेलकुद प्रतियोगिता मंसिर १६ देखि २९ गतेसम्म सञ्चालन गर्ने निर्णय गरेको हो। यसअघि २०८१ सालमै आयोजना हुनुपर्ने प्रतियोगिता विभिन्न कारणले पटक-पटक सर्दै आएको थियो।
प्रतियोगिताका लागि आवश्यक पूर्वाधार तथा अन्य तयारी पूरा नभएकोलगायतका कारण यसअघि तय गरिएका मितिमा प्रतियोगिता सञ्चालन हुन सकेको थिएन। नयाँ मिति तय भएसँगै अब प्रतियोगितालाई तोकिएकै समयमा सम्पन्न गर्ने गरी तयारी अघि बढाउनुपर्ने चुनौती आयोजकसामु छ।
