जेन–जी आन्दोलनमा जलेको वीरेन्द्र अन्तर्राष्ट्रिय सम्मेलन केन्द्र पुनर्निर्माण नहुने (फोटोफिचर)

गत भदौ  २४ गते जेन–जी आन्दोलनमा जलेको बानेश्वरस्थित वीरेन्द्र अन्तर्राष्ट्रिय सम्मेलन केन्द्र पुनर्निर्माण नहुने  भएको छ। सन्  १९९३ मा चीन सरकारको १६ मिलियन अमेरिकन डलर अनुदान लागतमा  बनेको  उक्त  भवनमा  प्रतिनिधिसभा र राष्ट्रिय सभाको बैठक सञ्चालन हुँदै आएको थियो ।

तर, गत भदौ २४ पछि प्रयोगविहीन भएको उक्त भवन निर्माणमा लागि ठुलो रकम खर्चिनुपर्ने भएकाले भवन निर्माण कार्य  अनिश्चित बनेको विशिष्ट संरचना सञ्चालन तथा व्यवस्थापन विकास समितिका दीपेन्द्र सिंहले जानकारी दिए । उनले भने, ‘सामान्य पुनर्निर्माणका काम यो समितिले गरे पनि ठुला लागतका योजना सहरी विकास मन्त्रालयअन्तर्गतको विशेष भवन महाशाखाले बनाउनेछ । विभागले निर्माणका लागि बजेट छुट्याए–नछुट्याएकोबारे जानकारी छैन ।’