अन्तर्राष्ट्रिय मुद्राकोष (आइएमएफ)को उच्चस्तरीय प्रतिनिधिमण्डलले अर्थमन्त्री डा. स्वर्णिम वाग्ले, राष्ट्र बैंकका गभर्नर डा. विश्वनाथ पौडेल, राष्ट्रिय योजना आयोगका उपाध्यक्ष डा. गुणाकर भट्टलगायतलाई भेटेर आर्थिक अवस्था, सुधारका कार्यक्रम र आगामी नीतिगत प्राथमिकताबारे छलफल गरेका छन् ।
आइएमएफको एसिया तथा प्रशान्त विभागकी उपनिर्देशक डा. सोनाली जैन चन्द्रको नेतृत्वमा आएको प्रतिनिधिमण्डलमा नेपालका लागि आइएमएफ मिसन प्रमुख डा. सरवत जहाँ र आवासीय प्रतिनिधि प्रणव गुप्ता सहभागी थिए ।
सो प्रतिनिधिमण्डलले समष्टिगत आर्थिक परिदृश्य, दिगो आर्थिक वृद्धि, रोजगारी सिर्जना तथा सुधारका कार्यक्रमलाई प्रभावकारी रूपमा अघि बढाउने विषयमा विचार आदान–प्रदान गरेको आइएमएफले जनाएको छ ।
See More On
