राष्ट्रिय विपत् जोखिम न्यूनीकरण तथा व्यवस्थापन प्राधिकरणको प्रमुख कार्यकारी अधिकृत(सिइओ) पदका लागि १६ जनाको आवेदन परेको छ। गृह मन्त्रालयले खुला प्रतिस्पर्धाबाट सिइओ नियुक्ति प्रक्रिया अघि बढाएको हो।
निवर्तमान सिइओ दिनेशप्रसाद भट्टले समेत दरखास्त दिएका छ्न। त्यस्तै, प्रेमसिंह नायक, गौरवसागर दवाडी, रञ्जन ढुंगेल, निरण महर्जन, बसन्तराज अधिकारी, दीपेन्द्रविक्रम थापा क्षेत्री, रामनाथ ओझा, डा. धर्मराज उप्रेती, डा. गणेशकुमार जिमी, इ. भेषराज पोखरेलको दरखास्त छ। त्यस्तै, लोकविजय अधिकारी, डा. अनन्तमानसिंह प्रधान, अमृतप्रसाद शर्मा, सिद्धार्थनरसिंह शर्मा र प्रगति भट्टराईले दरखास्त दिएका हुन्।
उनीहरूलाई प्रस्तुतीकरण र अन्तर्वार्तामा बोलाउने गृह मन्त्रालयको तयारी छ।
