इरानी नागरिकलाई नेपालमा अनअराइभल भिसा बन्द भएको छ । सुरक्षाको कारण देखाउँदै सरकारले उनीहरूको भिसा बन्द गरेको हो ।
सरकारी र कूटनीतिक राहदानीवाहकबाहेकका इरानी नागरिकले अब विदेशस्थित नेपाली दूतावासबाट भिसा लिए मात्र नेपाल प्रवेश गर्न मिल्ने अध्यागमन विभागका प्रवक्ता टीकाराम ढकालले बताए । पछिल्लो समय इरानमा बढेको द्वन्द्वपछि त्यहाँका नागरिक शरण खोज्दै नेपाल आउन सक्ने भएकाले सरकारले अनअराइभल भिसा बन्द गरेको हो ।
नेपालले यसअघि १२ देशका नागरिकलाई अनअराभइल भिसा बन्द गर्दै आएको थियो । अब त्यो संख्या १३ पुगेको छ।
कुन–कुन देशका नागरिकले पाउँदैनन् नेपालमा अनअराइभल भिसा ?
१. नाइजेरिया
२. घाना
३. जिम्बावे
४. स्वाजिल्यान्ड
५. क्यामरुन
६. सोमालिया
७. लाइबेरिया
८. इथियोपिया
९. इराक
१०. प्यालेस्टाइन
११. अफगानिस्तान
१२. सिरिया
१३. इरान
See More On
