इरानको तस्निम समाचार एजेन्सीले इरानका दिवंगत सर्वोच्च नेता आयातोल्लाह अली खामेनीको सम्झनामा आयोजना हुने समारोह स्थगित गरिएको जनाएको छ । तस्निमले एक अधिकारीलाई उद्धृत गर्दै ढिलाइका लागि समारोह व्यवस्थासम्बन्धी समस्यालाई उद्धृत गरेको छ । विशेषत: विभिन्न प्रान्तका मानिसहरूबाट समारोहमा उपस्थित हुन अनुरोध आएकाले पनि केही पछि सारिएको जनाइएको छ ।
खामेनीको अन्त्येष्टि समारोहको व्यवस्थापन चलिरहेको र त्यसमा ठुलो भिड आउने अपेक्षा गरिएको तस्निमले जनाएको छ । यसअघि सन् १९८९ मा पहिलो सर्वोच्च नेता आयातोल्लाह रुहोल्लाह खोमेनीको अन्त्येष्टिमा लगभग एक करोड मानिसहरू उपस्थित भएका थिए । इरानको ‘इस्लामिक प्रचार परिषद्’का प्रमुख होज्जतोलेस्लाम महमुदीले बुधबार राति १० बजेबाट अन्त्येष्टि समारोह सुरु हुने र तीन दिनसम्म जारी रहने बताएका थिए । तर, त्यसको केही घण्टापछि समारोह स्थगित गरिएको छ ।
८६ वर्षीय खामेनी शनिबार भएको इजरायली आक्रमणमा मारिएका थिए । उनी १९८९ मा इस्लामिक गणतन्त्रको शासनको जग हालको पहिलो सर्वोच्च नेता खामेनीको मृत्युदेखि इरानको सर्वोच्च नेता थिए । इरानमा सर्वोच्च नेताले सरकारका सबै शाखा, सेना र न्यायपालिकामाथि परम अधिकार राख्छन् । साथै, उनी देशको आध्यात्मिक नेताको रूपमा पनि काम गर्छन् ।
