आइसिसी टी २० विश्वकप २०२६ मा दक्षिण अफ्रिकाले सातमध्ये सातै खेल्नमा विजय हासिल गरेको छ। समूह चरणका चारै खेल जितेको उसले सुपर ८ का तीनै खेल पनि जितेको छ।
आइतबार भएको खेलमा उसले जिम्बावेलाई पाँच विकेटले पराजित गर्यो।
पहिला ब्याटिङ गरेको जिम्बावेले १५४ रनको लक्ष्य दिएको थियो। १७.५ ओभरमा ५ विकेट गुमाएर दक्षिण अफ्रिकाले सहजै सो लक्ष्य पूरा गरेको हो।
समूह चरणमा दक्षिण अफ्रिकाले क्यानडा, अफगानिस्तान, न्युजिल्यान्ड र युएईलाई पराजित गरेको थियो।
त्यस्तै, समूह ८ मा भारत, वेस्ट इन्डिज र जिम्बावेलाई हराएको हो। उत्कृष्ट फर्ममा रहेको दक्षिण अफ्रिकालाई यो विश्वकपमा उपाधिको दाबेदारको रूपमा हेरिएको छ।
विश्वकपमा दक्षिण अफ्रिकासहित इंग्ल्यान्ड र न्युजिल्यान्ड सेमिफाइनलमा पुगिसकेका छन्। आजै भारत र वेस्ट इन्डिजबिच हुने खेलको विजयीमध्ये एक टिम सेमिफाइनलमा पुग्नेछ।
