नागरिक उन्मुक्ति पार्टी नेपालका संरक्षक रेशमलाल चौधरीले दायर गरेको रिटमा सर्वोच्च अदालतमा सुनुवाइ जारी छ। न्यायाधीश शारंगा सुवेदी र टेकप्रसाद ढुंगानाकाे इजलासमा सुनुवाइ भइरहेकाे छ र छिट्टै अन्तरिम आदेश हुने वा नहुने निर्णय आउनेछ।
फागुन २१ गते हुने प्रतिनिधिसभा निर्वाचनका लागि कैलाली १ बाट उम्मेदवारी दिएका चौधरीको मनोनयन निर्वाचन अधिकृतले जन्मकैद सजाय पाएका व्यक्तिले उम्मेदवार हुन नपाउने कानुनको आधारमा खारेज गरेको थियो।
चौधरी ०७२ भदौ ७ गते थारू आन्दोलनको क्रममा टीकापुर घटनामा आरोपित थिए र सबै अदालतले दोषी ठहर गरेका थिए। पछि गणतन्त्र दिवसको अवसरमा राष्ट्रपतिबाट आममाफी पाएपछि उनी कारागारमुक्त भएका थिए।
