प्रधानमन्त्री सुशीला कार्कीले नेपाल प्रिमियर लिग (एनपिएल) को फाइनलमा प्रतिस्पर्धा गर्न गइरहेका दुवै टोलीलाई शुभकामना दिएकी छिन्। प्रधानमन्त्री कार्कीले आज सामाजिक सञ्जाल फेसबुकमार्फत सुदूरपश्चिम रोयल्स र लुम्बिनी लायन्सलाई सफलताको कामना व्यक्त गरेकी हुन्।
उनले एनपिएललाई राष्ट्रिय उत्सवको रूपमा व्याख्या गर्दै लेखेकी छिन्, यो प्रतियोगिताले सम्पूर्ण देशलाई उत्साहित र एकताबद्ध बनाएको छ। सबै नेपालीलाई एउटै सूत्रमा बाँध्दै सुरक्षा सम्बन्धी आशङ्कालाई चिर्दै नेपाल शान्त, सुन्दर र सक्षम राष्ट्र हो भन्ने सन्देश विश्वसमक्ष पुर्याएको छ।
