शिक्षामन्त्री महावीर पुनले एमाले अध्यक्ष केपी ओलीका लागि निर्माण गर्न लागिएको ‘ओली कुटी’ इन्जिनियरलाई ‘सख्त कारबाही’ गर्नुपर्ने बताएका छन् ।
सामाजिक सञ्जालमा आफ्नै शैलीको स्टाटास लेख्दै उनले ‘ओली कुटी’बारे व्यंग्यात्मक टिप्पणी गरेका हुन् ।
उनले ओलीका लागि बनाइने भनिएको घरको थ्रिडी नक्सासमेत फेसबुकमा राख्दै लेखेका छन्, ‘यो नक्सा डिजाइन गर्ने इन्जिनियरलाई सख्त कारबाही गर्नुपर्छ । अनि घोर बेइज्जती तथा मानहानिको मुद्दा लगाउनुपर्छ भन्ने मेरो माग छ ।’
उनी थप्छन्, ‘हाकिमले दुईजना बस्ने कुटीको नक्सा बनाएर ल्याऊ भनेपछि यत्रो ठुलो दरबारको नक्सा बनाइदिनुहुन्छ त उसले ? कहाँसम्मको लापरबाही हो यो ?’ पुनले अन्त्यमा : ‘एक छिन रमाइलो’ भन्दै आफ्नो स्ट्याटसमा गम्भीर भाव नरहेको संकेत गरेका छन् ।
See More On
