दोस्रो संस्करणको सिद्धार्थ बैंक नेपाल प्रिमियर लिगअन्तर्गत शुक्रबार जारी खेलमा जनकपुर बोल्ट्सले खराब सुरुवात गरेको छ।
लुम्बिनी लायन्सविरुद्ध टस जितेर पहिले ब्याटिङ रोजेको जनकपुरले पावरप्लेमा तीन विकेट गुमाएको छ। ६ ओभरको समाप्तिमा जनकपुरले ३६ रन मात्र जोड्न सक्यो।
ओपनर माज सदाकत ६ तथा तेस्रो नम्बरमा क्रिजमा आएका अनिल साह सात रन जोडेर पेभेलियन फर्किए। अर्का ओपनर आसिफ शेखले २० रन बनाए। १७ बल सामना गरेका उनले दुई चौका र एक छक्का हिर्काएका हुन्।
लुम्बिनीका लागि जेजे स्मिथ, रुबेन ट्रम्पेलमन र शेर मल्लले समान एक विकेट हात पारे।
