अमेरिकाबाट निष्कासित थप पाँच नेपाली काठमाडौं आइपुगेका छन्। बुधबार साँझ एयर इन्डियाको उडानबाट नयाँदिल्ली हुँदै पाँच नेपाली काठमाडौं आइपुगेका हुन्।
निष्कासितहरूमा दाङ, प्युठान र रुकुम घर भएका युवा छन्।
गत ३ मंसिरमा एकै दिन ३५ नेपालीलाई चार्टर्ड विमानमा काठमाडौं ल्याएर छाडिएको थियो।
त्यस्तै, २ मंसिरमा चार र ३० कात्तिकमा पाँच नेपाली अमेरिकाबाट निष्कासनमा परी नेपाल आइपुगेका थिए। दुई सातामा ५० नेपाली अमेरिकाबाट निष्कासनमा परेका छन्। यसरी निष्कासनमा पर्नेहरूमा धेरैजसो अवैध रूपमा अमेरिका प्रवेश गर्ने र प्रवेश गर्न खोज्नेहरू छन्। अमेरिकामा राष्ट्रपति डोनाल्ड ट्रम्पले अवैध आप्रवासीमाथि कडाइ गरेसँगै निष्कासनमा पर्ने नेपालीको संख्या पनि बढेको हो।
See More On
