वीरगन्ज महानगरपालिका– १६ मा रहेको बसपार्कमा पार्किङ गरिएका दुईवटा बसमा आगलागी भएको छ। मंगलबार राति बसपार्कमा पार्किङ गरिराखेको दुईवटा बसमा आगलागी भएको हो।
आगलागीबाट जमजम ट्राभल्स लेखिएकाे ना.५ख ६२१६ र ना.५ख ६२१७ नम्बरकाे बस पूर्ण रूपमा जलेर नष्ट भएको पर्सा प्रहरीले जनाएको छ । दुवै बसमा आगो लागेपछि राति पौने १ बजेको समयमा प्रहरी र वीरगन्ज महानगरपालिकाको दमकलको सहयोगमा आगो निभाएको वडा प्रहरी कार्यालय श्रीपुरका प्रहरी निरीक्षक नवीन थापामगरले जानकारी दिए ।
उनका अनुसार रोकिएको बसमा अचानक के कारण आगलागी भएको खुल्न सकेकाे छैन । यसबारेमा अनुसन्धान भइरहेको प्रहरीले जनाएकाे छ ।
See More On
