शनिबारदेखिको अविरल वर्षापछि इलाममा ठुलो मानवीय क्षति भएको छ। प्रमुख जिल्ला अधिकारी सुनिता नेपालका अनुसार ३७ जनाको मृत्यु भएको छ भने एकजना बेपत्ता छन्।
इलामका सात पालिकामा मावनीय क्षति भएको छ। माइजोमाई र देउमाई नगरपालिकामा मात्र आठ–आठजनाको मृत्यु भएको छ।
त्यस्तै, सन्दकपुर गाउँपालिका र इलाम नगरपालिकामा ६–६ तथा सूर्याेदयमा पाँच, माङसेबुङमा तीन र फाकफोकथुममा एकजनाको मृत्यु भएको छ।
दुईजनाको हेलिकोप्टरमार्फत उद्धार गरिएको र अन्य पाँचजनाको उद्धारको प्रयास भइरहेको प्रजिअ नेपालले जानकारी दिइन्।
See More On
