तीनकुने घटनामा फरार रहेका तीनजना आज बुधबार अदालतमा हाजिर भएका छन्। तीमध्ये दुईजना धरौटीमा छुटेका छन् भने एकजनालाई पुर्पक्षका लागि थुनामा पठाइएको छ।
न्यायाधीश बालकृष्ण वाग्लेको इजलासले एकजनालाई थुनामा पठाउन र दुईजनालाई धरौटीमा छाड्न आदेश दिएको जिल्ला अदालत काठमाडौंका सूचना अधिकारी दीपककुमार श्रेष्ठले जानकारी दिए। अदालतले सतीश न्यौपानेलाई थुनामा पठाएको हो भने विनञ्जय थापा र राजेन्द्र जिसी जनही १५ हजार धरौटीमा छुटेका हुन्।
गत १५ चैतमा काठमाडौंको तीनकुनेमा भएको हिंसात्मक घटनामा संलग्न रहेको आरोपमा उनीहरूविरुद्ध राजद्रोह, आपराधिक उपद्रव र संगठित अपराधको कसुरमा मुद्दा चलाइएको हो।
See More On
