भूपेन्द्र बुढाथोकीले ‘परदेशी हुनै मन छैन’ नामक लोकगीतको म्युजिक भिडियो बजारमा ल्याएका छन्। प्रहरी निरीक्षक समेत रहेका बुढाथोकीको शब्द रहेको यो लोकगीतमा खेम सेन्चुरी र शान्ति श्री परियारको स्वर छ ।
म्युजिक भिडियोमा ललन चिमरिया र डोना थापामगरले अभिनय गरेका छन्। संगीत ऋषि खड्काको छ। कथा र निर्देशन मौसम हिमालीको हो ।
राष्ट्रसेवकको भूमिकामा रहेर गीत–संगीतलाई अगाडी बढाइरहेका बुथाढोकीले गीत, कविता र गजल लगायतका विधामा कलम चलाउने गर्छन्। बुढाथोकीको शब्द र प्रमोद खरेलको स्वरमा दुई महिनाअघि मात्र ‘किस्मत’ बजारमा आएको थियो । ‘हामी नेपाल प्रहरी’ ‘अब खुसी,’ ‘डाँडापारि मेरो माया, ‘परदेशीको दशैं’ ‘मुटु टुट्दा’ र अहिले ‘धोकामाथि धोका’ बुढाथोकीका चर्चित आधुनिक गीति संग्रह हुन् ।
