दुहुँ गाउँपालिका–५ मा वडाध्यक्ष पदकाे लागि भएकाे निर्वाचनमा करिब ६९ प्रतिशत मत खसेकाे छ। मुख्य निर्वाचन अधिकृतकाे कार्यालयका अनुसार ६८.९४ प्रतिशत मत खसेकाे हाे। बिहान ७:१० बजेदेखि मतदान सुरु भएको थियाे।
दुहुँको दुर्गा आधारभूत विद्यालय गरमोराकाे क र ख मतदान केन्द्रमा ४०१ पुरुष र ४७६ महिला गरी कुल ८७७ जनाले मतदान गरेकाे मतदान अधिकृत विष्णुप्रसाद अवस्थीले बताए। दुहुँ गाउँपालिका–५ मा एक हजार २७२ मतदाता छन् । वडाध्यक्षको लागि एक स्वतन्त्रसहित चारजना प्रतिस्पर्धामा छन्। एमालेबाट मानसिंह बडाल, कांग्रेसबाट धनसिंह कुँवर, माओवादीबाट वीरसिंह कार्की र स्वतन्त्रबाट लालबहादुर कुँवर चुनावी मैदानमा छन्।
माओवादी केन्द्रबाट निर्वाचित वडाध्यक्ष मनोरथ भट्टको असार २०८० मा मृत्यु भएको थियो। मतदानमा मतदाताकाे उत्साहपूर्ण सहभागिता रह्याे।
