युइएफए नेसन्स लिगमा पोर्चुगलले पोल्यान्डसँग सहज जित निकालेको छ। जितसँगै पोर्चुगलले महत्वपूर्ण तीन अंक आर्जन गरेको छ।
क्रिस्टियानो रोनाल्डोले १३३औं अन्तर्राष्ट्रिय गोल गरेको खेलमा पोर्चुगलले पोल्यान्डलाई ३-१ गोलअन्तरले पराजित गर्यो। लिग ए को ग्रुप वान खेलमा पोर्चुगलले बर्नार्डो सिल्भाको गोलले अग्रता लिएको थियो । रोनाल्डोले ३७औं मिनेटमा गोल गरे। रोनाल्डोले नेसन्स लिगका तीन खेलमा तीन गोल गरिसकेका छन्।
पिटर जिलेन्स्कीले घरेलु टिम पोल्यान्डका लागि एक गोल फर्काएलगत्तै पोर्चुगलले एक आत्मघाती गोल प्राप्त गर्यो।
