महिलालाई धारिलो हतियार प्रहार गरी फरार एकजनालाई प्रहरीले पक्राउ गरेको छ। सप्तरी राजविराज घर भई हाल झापाको कमल गाउँपालिका– ६ मा डेरा गरी बस्ने ४१ वर्षीय रूपेश सदाले सोही ठाउँकी ३१ वर्षीय सुमित्रा ऋषिदेवलाई धारिलो हतियार प्रहार गरेका हुन् ।
धारिलो हतियार प्रहारबाट सुमित्राको टाउको र दुवै हातमा गम्भीर चोट लागेको छ। उनलाई घाइते बनाएर फरार सदालाई दमक प्रहरीले सप्तरीको विष्णुपुरबाट नियन्त्रणमा लिएको हो। घटनास्थलबाट प्रहरीले एक थान छुरी, एक थान खुकुरी र एक थान रड बरामद गरेको छ। घटनाबारे अनुसन्धान भइरहेको प्रहरीले जनाएको छ ।
See More On
