प्रधानमन्त्री पुष्पकमल दाहाल प्रचण्ड र सभामुख देवराज घिमिरेबीच बालुवाटारमा करिब ४५ मिनेट छलफल भएको छ । प्रधानमन्त्रीनिवास बालुवाटारमा भएको छलफल संसद् अवरोधकै विषयमा केन्द्रित थियो ।
सभामुखले संसदबाट विधेयकहरू पारित हुन नसकिरहेकाे वेला भइरहेको निरन्तरको अवरोधले जनस्तरमा वितृष्णा फैलिएको बताए । संसद् सञ्चालन भए केही विधेयक तत्कालै पारित गर्न सकिने अवस्थामा रहेको, केही विधेयकलाई समितिमा पठाउन सकिने सभामुखले बताए ।
उनले राष्ट्रपतिलाई धन्यवाद प्रस्तावसमेत पारित नभएको सन्दर्भमा प्रतिपक्षीसँग तत्कालै सहमति गर्न प्रधानमन्त्रीसमक्ष अपिल गरे । प्रधानमन्त्रीले आज सत्तापक्षका नेताहरूको बैठक बस्ने तयारी भएको जानकारी दिँदै भोलि बस्ने बैठकमा संसद् खुलाउने गरी निर्णयमा पुग्ने बताएका छन् ।
See More On
