४० हजारले अवलोकन गरे सातौँ चरणको चेम्बर एक्स्पो

बुधबार, ३० फागुन, २०८०
डिजिटल संस्करण

नेपाल चेम्बर अफ कमर्सको आयोजनामा भएको सातौँ चरणको ‘चेम्बर एक्स्पो २०२४’ ४० हजारभन्दा बढी दर्शकले अवलोकन गरेका छन् । उद्योग वाणिज्य तथा आपूर्ति मन्त्रालयअन्तर्गतको व्यापार तथा निकासी प्रवद्र्धन केन्द्रसँगको सहकार्यमा चेम्बरले सातौँ चरणको एक्स्पो सम्पन्न गरेको हो । 

स्थानीय उत्पादनदेखि अन्तर्राष्ट्रिय वस्तुहरू प्रदर्शनी गरिएको एक्स्पो आर्थिक सुस्तताबीच पनि भव्यताका साथ सम्पन्न भएको अध्यक्ष राजेन्द्र मल्लले बताए । एक्स्पोमा स्वदेशमै उत्पादित कृषिजन्य वस्तुहरू, हस्तकलाका सामग्री प्रदर्शनीमा राखिएको थियो । एक्स्पोमा राष्ट्रिय तथा भारत, दक्षिण कोरिया, बंगलादेश पाकिस्तानलगायतका अन्तर्राष्ट्रिय कम्पनीका एक सय ६० भन्दा बढी स्टल रहेका थिए । 

एक्स्पोमार्फत स्थानीय उत्पादन प्रवद्र्धन एवं बजारीकरण तथा व्यापार अभिवृद्धि गर्न महत्वपूर्ण सहयोग भएको अध्यक्ष मल्लको भनाइ छ । कठिन आर्थिक परिस्थितिबीच अर्थतन्त्र चलायमान एवं व्यावसायिक गतिविधि विस्तार गर्न एक्स्पो सफल भएको अध्यक्ष मल्लले दाबी गरे ।

सुझावित समाचार