टी-२० ट्र्यांगुलर सिरिजको पहिलो खेलमा युएईले दिएको एक सय ४१ रनको मध्यम लक्ष्य पछ्याउने क्रममा नेपालले एक सय रन पूरा गरेको छ ।
नेपालले १४.३ बलमा तीन विकेटको क्षतिमा एक सय रन पूरा गरेको हो । ५१ रनभित्र महत्वपूर्ण तीन विकेट गुमाएपछि दबाबमा आएको नेपालको इनिङ
कप्तान रोहित पौडेल र दीपेन्द्रसिंह ऐरीले सम्हालेका छन् ।
रोहित २२ बलमा १७ रन तथा दीपेन्द्र १६ बलमा २५ रन बनाएर खेलिरहेका छन् । यी दुईबीच अर्धशतकीय साझेदारी पनि बनेको छ ।
ओपनरद्वय कुशल भुर्तेल र आसिफ शेख तथा विस्फोटक ब्याटर कुशल मल्ललाई सस्तैमा गुमाएपछि नेपाल दबाबमा आएको थियो ।
आसिफ शेखसँगको असमझदारीका कारण कुशल मल्ल दुर्भाग्यपूर्ण रूपमा रनआउट हुन पुगेका थिए । रनआउट हुनुअघि उनले दुई चौकाको मद्दतमा नौ बलमा ११ रन बनाएका थिए ।
कुशल आउट भएलगत्तै ठूलो सट प्रहार गर्ने क्रममा आसिफ पनि आउट हुन पुगे । उनले आउट हुनुअघि २७ बलमा २३ रन बनाएका थिए । आसिफले दुई चौका र एक छक्का प्रहार गरे ।
यस्तै, अर्का ओपनर कुशल भुर्तेलले १४ रन बनाए । १४ बल सामना गरेका उनी निलान्स केस्वानीको स्पिन बलमा ठूलो सट प्रहार गर्ने कोसिस गर्दा अली नासिरको हातबाट आउट हुन पुगे ।
