सुर्खेतमा मोटरसाइकलले रोकिराखेको स्कुटरलाई ठक्कर दिँदा एकजनाको मृत्यु भएको छ।
सुर्खेतको वीरेन्द्रनगर नगरपालिका– ११ पिपिराचोकस्थित धुलायाबिटबाट बजारतर्फ आउँदै गरेको भे.७ प ७७४६ नम्बरको मोटरसाइकलले पिपिराचोकमा रोकिराखेको क.प्र. ०२०० प ४००४ नम्बरको स्कुटरलाई ठक्कर दिँदा माेटरसाइकलचालककाे मृत्यु भएको हो।
मोटरसाइकलचालक जिल्ला सुर्खेत वीरेन्द्रनगर नगरपालिका–१२ बस्ने ४१ वर्षीय धर्मराज सापकोटा भएकाे प्रहरीले जनाएकाे छ। उनकाे टाउको र छातीमा चोट लागेकाे थियाे। कर्णाली प्रदेश अस्पतालमा उपचारका क्रममा उनकाे मृत्यु भएको जिल्ला प्रहरी कार्यालय सुर्खेतले जनाएको छ।
See More On
