राप्ती प्रतिष्ठानमा पदाधिकारीको गैरकानुनी नियुक्तिको विरोध, खारेज गर्न माग गर्दै प्रदर्शन

दाङको घोराहीस्थित राप्ती स्वास्थ्य विज्ञान प्रतिष्ठानका पदाधिकारीको गैरकानुनी नियुक्ति खारेजीको मागसहित शुक्रबार प्रदर्शन भएको छ ।

सचेत नागरिक दाङले ‘राप्ती स्वास्थ्य विज्ञान प्रतिष्ठानभित्रका बेथितिविरुद्ध नागरिक खबरदारी कार्यक्रम’ आयोजना गरेर विरोध प्रदर्शन गरेको हो ।

सचेत नागरिक दाङका समन्वयकर्ता विशाल अधिकारीका अनुसार प्रतिष्ठानमा भएका पदाधिकारी नियुक्ति, खरिद प्रक्रियामाथि खबरदारी र भरपर्दाे उपचारका लागि दबाब दिन दिउँसो शान्तिपूर्ण विरोध प्रदर्शन गरिएको हो ।

राप्ती प्रतिष्ठानका पदाधिकारीको नियुक्ति गैरकानुनी रहेको र थप अनुसन्धानका लागि फाइल अख्तियारमा पठाइएको समाचार नयाँ पत्रिकाले १७ साउनको अंकमा प्रकाशित गरेको थियो ।