विशेष अदालतले एक घुस मुद्दामा फैसला गर्दै सात दिन कैद सजाय सुनाएको छ। शुक्रबार विशेषका न्यायाधीशहरू यमुना भट्टराई, शालिग्राम कोइराला र बलभद्र बास्तोलाको इजलासले यस्तो फैसला गरेको हो।
जिल्ला प्रशासन कार्यालय पर्साका कम्प्युटर अपरेटर सञ्जयप्रसाद यादवलाई सात दिन कैद र पाँच हजार रुपैयाँ जरिवाना हुने फैसला सुनाइएको हो। उनीमाथि गत पुसमा मुद्दा दायर भएकोमा ६ महिनाभित्रै फैसला आएको छ।
करारमा काम गरिरहेका यादवले जग्गा फुकुवा गर्नका लागि सहजीकरण गरिदिने भन्दै सेवाग्राहीसँग दुईपटकमा गरी जम्मा ११ हजार रुपैयाँ लिएको अख्तियारको अनुसन्धानले देखाएको थियो।
भदाै ०७९ मा ६ हजार र पछिल्लोपटक ३१ असोज ०७९ मा पाँच हजार रुपैयाँ लिएको पुष्टि भएपछि उनीमाथि मुद्दा चलाइएको थियो। यो मुद्दालाई विशेषले ६ महिनाभित्रै किनारा लगाउँदै कसुर कायम हुने फैसला गरेको छ।
See More On
