नेपाली कांग्रेसको केन्द्रीय कार्यसम्पादन समितिको बैठक पार्टी कार्यालय सानेपामा जारी छ। बिहान ११ बजेबाट सुरु भएको बैठकमा पार्टीको आन्तरिक समस्या र समसामयिक विषयमा छलफल भइरहेको बताइएको छ।
सरकारमा पठाउने थप मन्त्री तथा उपनिर्वाचनमा बारा २ मा कसलाई उठाउने भन्ने विषय बैठकको मूल एजेन्डाका रूपमा रहेको छ।
सत्तागठबन्धनमा ८ वटा मन्त्रालय पाएको कांग्रेसबाट चार मन्त्री सरकारमा सहभागी छन्। आफूले पाउने मन्त्रालयको संख्यामा शेखर कोइराला पक्ष असन्तुष्ट छ।
साथै, बारा २ मा पार्टीबाट उम्मेदवार उठाउने वा उपेन्द्र यादवको जसपा उम्मेदवारलाई सघाउने भन्ने विषयमा छलफल भइरहेको बताइएको छ।
