घरमा ग्यास लिक भएर आगलागी हुँदा जलेर घाइते भएका कांग्रेस नेता एवं प्रतिनिधिसभा सदस्य डा. चन्द्र भण्डारीको दुबै खुट्टाको सर्जरी सम्पन्न भएको छ ।
मुम्बईस्थित नेसनल बर्न्स सेन्टरमा उपचाररत भण्डारीको दुबै खुट्टाको सर्जरी सम्पन्न भएको अस्पतालमा रहेका उनका सहयोगी योगराज कँडेलले जानकारी दिएका छन् ।
‘पहिलो सर्जरी सफलतापूर्वक सम्पन्न भएको छ । मुख्य सर्जन डा. सुनिल केसवानीको भनाइअनुसार चन्द्र दाइको दायाँ खुट्टामा एकदमै डिप ईन्जरी रहेको कारण सोचेभन्दा धेरै समय सर्जरीमा लाग्यो, तर बायाँ खुट्टा माईल्ड रहेको छ,’ कँडेलले फेसबुकमा लेखेका छन् ।
