- ट्राफिक लाइटको नियम पूर्ण रूपमा पालना गर्ने । हरियो, रातो, पहेँलो बत्तीमा ध्यान दिने ।
- पैदलयात्रीले ‘ओभरहेड ब्रिज’को अनिवार्य प्रयोग गर्ने ।
- सधैँ फुटपाथबाट मात्रै हिँड्ने, जथाभावी नहिँड्ने ।
- यदि सडकमा फुटपाथ छैन भने सधैँ दायाँ साइडबाट मात्रै हिँड्ने गर्नुपर्छ । यसो गर्दा विपरीत दिशाबाट आइरहेको सवारीसाधन प्रत्यक्ष रूपमा देखिन्छ र दुर्घटनाको जोखिम कम हुन्छ ।
- बस, माइक्रोलगायतमा झुन्डिएर, छतमा बसेर वा ढोकामा बसेर यात्रा नगर्ने ।
- लेन अनुशासन पालना गर्ने ।
- जेब्राक्रसको प्रयोग गर्ने ।
- साइकल लेन नभएको सडकमा सकेसम्म साइक्लिङ नगर्ने ।
- सवारीचालकले ध्यान दिनुपर्ने
- गाडीको कन्डिसन चेक गरेर मात्रै सवारी हाँक्ने । कन्डिसनमा नरहेको गाडीले जुनसुकै वेला धोका दिन सक्छ र दुर्घटना पनि निम्त्याउन सक्छ ।
- मद्यपान गरेर सवारीसाधान नचलाउने । यात्रुले पनि मद्यपान गरेका चालकको सवारीमा सवार नगर्ने ।
- मानसिक तथा शारीरिक रूपमा फ्रेस हुँदा मात्रै सवारीसाधन चलाउने ।
- लामो दूरीमा सवारीसाधन चलाउँदा चालक थकित हुन्छन् । जसले दुर्घटनाको जोखिम बढाउँछ । त्यस्तो अवस्थामा हरेक दुई–दुई घन्टामा ब्रेक लिने । जसले तपाईंलाई फ्रेस बनाउँछ ।
- मोटरसाइकलपछाडि बस्ने यात्रीले पनि हेलमेट अनिवार्य प्रयोग गर्ने ।
- सवारीसाधानलाई तीव्र गतिमा नचलाउने ।
See More On
