- वि.सं २o७९ कार्तिक २७ आइतबार
सिनेमामा काम गर्नुअघि युकेबाट तीन–चार वर्षको ग्यापमा नेपाल आइरहन्थेँ । त्यसवेला पारिवारिक भेटघाटमै समय बित्थ्यो । घुमघाम गर्ने समय मिल्दैनथ्यो । फिल्ममा काम गर्न थालेपछि नेपालका केही नयाँ ठाउँहरू पनि पुग्ने अवसर मिल्यो ।
काम गर्ने दौरानमा पुगेका ठाउँहरू निकै रमाइला लागे । फिल्म ‘बाबरी’को सुटिङको क्रममा लेटाङमा केही समय बित्यो । त्यो ठाउँ मलाई निकै सुन्दर लाग्यो । त्यहाँको समुदाय नै सहयोगी भावनाको लाग्यो ।
मलाई नेपालको पोखरा र धरान पनि मन पर्छ । त्यहाँ पुग्दा ‘फ्रेस’ भएको महसुस हुन्छ । धरान बजारका घरहरूको डिजाइनले निकै आकर्षित गर्छ । र, त्यहाँका परिवारसँग भेटेजस्तो लाग्छ ।
मलाई नेपालका घुम्न मन लागेको ठाउँ धेरै छन् । तर, एकदमै जान मन लागेको ठाउँचाहिँ मुस्ताङ नै हो । मुस्ताङको फोटो र भिडियो देख्दा मन लोभिएको छ । कबड्डी फिल्ममा देखाइएका भित्री गल्ली हिँड्न मन लागेको छ ।
