- वि.सं २o७९ कार्तिक १ मंगलबार
भतिजलाई गोली हानेको केहीबेरमै आफैँलाई गोली हानेर झापामा एकजनाले आत्महत्या गरेका छन् । मृत्यु हुनेमा गौरादह– ८ का वीरन साह छन् ।
इलाका प्रहरी कार्यालय दमकका प्रमुख डिएसपी दिलीप गिरीले सुरुमा भतिज हेमराजलाई गोली हानेपछि वीरनले आफैँलाई गोली हानेर आत्महत्या गरेको जानकारी दिए ।
भतिज हेमराजलाई उपचारका लागि बिर्तामोडस्थित बिएन्डसी अस्पताल भर्ना गरिएको छ । घटनाको विस्तृत विवरण खुलेको छैन ।
‘भतिजलाई गोली हानेर घाइते बनाएपछि करिब ५० मिटर भागेका वीरनले आफूलाई गोली प्रहार गरेको प्रारम्भिक अनुसन्धानमा देखिएको छ,’ डिएसपी गिरीले नयाँ पत्रिकासँग भने ।
