- वि.सं २o७९ कार्तिक १ मंगलबार
नवौँ राष्ट्रिय खेलकुदअन्तर्गत भइरहेको खोखो प्रतियोगिताको सेमिफाइनल समीकरण पूरा भएको छ। जसमा समूह ‘ए’बाट समूह विजेता बन्दै विभागीय टिम नेपाल आर्मी र उपविजेता बागमती प्रदेश सेमिफाइनलमा पुगेका छन्।
त्यस्तै, समूह ‘बी’बाट समूह विजेताका रूपमा लुम्बिनी प्रदेश र उपविजेताका रुपमा प्रदेश १ सेमिफाइनलमा प्रवेश गरेका छन्। चारवटै टिम बुधबार पोखरा रंगशालास्थित ह्यान्डबल एकेडेमीमा फाइनल प्रवेशका लागि भिड्नेछन्।
राउन्ड रोबिन आधारमा भइरहेको प्रतियोगिताको सेमिफाइनलअन्तर्गत बुधबार बिहान पहिलो खेल समूह ‘ए’का विजेता आर्मी र ‘बी’का उपविजेता प्रदेश १ र दोस्रो खेलमा समूह ‘बी’का उपविजेता र समूह ‘ए’का विजेता पुरुष टोलीबीच प्रतिस्पर्धा हुनेछ।
असोज ३० बाट सुरु भएको खोखो प्रतियोगितामा दुई विभागीयसहित नाै टिम सहभागी थिए। खेल कात्तिक ३ गते सकिनेछ।
