- वि.सं २o८१ बैशाख २५ मंगलबार
नवौँ राष्ट्रिय खेलकुद प्रतियोगितामा भाग लिने ओलम्पियन खेलाडी लुम्बिनीबाट ओलम्पिक टर्च र्याली लिएर बिहीबार पोखरातर्फ प्रस्थान गरेका छन् । लुम्बिनी विकास कोषका सदस्यसचिव सानुराजा शाक्यले ओलम्पियक टर्च शान्तिदीपमा बालेर र्यालीका संयोजक उमेश मास्केलाई हस्तान्तरण गर्दैे खेलाडीहरूलाई सफलताको शुभकामना दिए ।
नेपाल खोखो संघका महासचिवसमेत रहेका सदस्यसचिव शाक्यले लुम्बिनीको पवित्रभूमिबाट लगिएको ओलम्पियक टर्चले नवौँ राष्ट्रिय खेलकुदमा सहभागी खेलाडीहरूमा उत्साह थपिने बताए ।
मास्केको संयोजकत्वमा राष्ट्रिय खेलकुद प्रतियोगितामा भाग लिने सात सदस्यीय टोली शान्तिदीपबाट टर्च लिएर शुक्रबार पोखरा पुग्नेछ । खेलाडीहरूले बिहीबार बिहान शान्तिदीपबाट टर्च लिएर लुम्बिनी मायादेवी मन्दिर परिसर परिक्रमा गरी पोखरातर्फ लागेका छन् । ओलम्पियक टर्च र्यालीका संयोजक उमेश मास्केले लुम्बिनी शान्तिदीपबाट लगिएको ओलम्पिक टर्चले पोखराका ओलम्पियनहरू माझ पुर्याएर ऊर्जा थप्ने विश्वास व्यक्त गरे ।
लुम्बिनी विकास कोषका सदस्यसचिव शाक्य, प्रमुख प्रशासकीय अधिकृत ज्ञानिन राई, पुरातत्व शाखा प्रमुख हिमाल उप्रेती, लुम्बिनीका पर्यटन व्यवसायीहरूले खेलाडीलाई खादा लगाएर स्वागतसहित सफलताको शुभकामना दिए ।
