Skip This
रुसले कब्जा गरेका २० बस्ती फिर्ता लिइएको युक्रेनले दाबी गरेको छ । रुसले कब्जा गरेका बस्तीहरू फिर्ता लिने आक्रामक रणनीतिअन्तर्गत ती २० बस्ती फिर्ता लिइएको किभले बताएको छ ।
‘पछिल्लो २४ घन्टामा हाम्रा सुरक्षाकर्मीले रुसले कब्जा गरेका २० बस्तीहरू फिर्ता गराएका छन् । त्यहाँ अहिले हाम्रो पूर्ण नियन्त्रण छ,’ युक्रेनी सेनाका एक अधिकारीले भनेका छन् । देशको दक्षिणी र पूर्वी क्षेत्रमा पछिल्लो सातायता रुसी सुरक्षाकर्मीविरुद्ध सफलता हासिल गरिरहेको युक्रेनी सेनाको दाबी छ ।
उनीहरूले इज्युम, कुपियन्स्क, बालाक्लियालगायत ठाउँ यसअघि नै फिर्ता लिइसकेका छन् । युक्रेनी राष्ट्रपति भोलोदिमिर जोलेनेस्कीले पनि जापोरिझझिया, डिनिप्रोपेट्रोभ्स्क र सुमीका केही क्षेत्र फिर्ता लिइएको दैनिक सम्बोधनका क्रममा आइतबार जानकारी दिएका थिए ।
2024-09-18-01-30-27.gif)
2024-09-18-01-30-29.gif)
