- वि.सं २o७९ भदौ १३ सोमबार
नेपाल र अस्ट्रेलियाबीच जलस्रोत क्षेत्रमा सहकार्य गर्ने सहमति भएको छ। परराष्ट्रसचिव भरतराज पौड्याल नेतृत्वको नेपाली प्रतिनिधिमण्डल र अस्ट्रेलियाका परराष्ट्र तथा व्यापार मन्त्रालयकी सचिव जान एडम्स नेतृत्वको प्रतिनिधिमण्डलबीच आइतबार क्यानबेरामा वार्ता भएको थियो।
बैठकका क्रममा दुई देशबीच जलस्रोत व्यवस्थापनका विषयमा सहकार्यसम्बन्धी समझदारी-पत्रमा हस्ताक्षर भएको हो। जल तथा ऊर्जा आयोगका सचिव दिनेश घिमिरे र अस्ट्रेलियाकी परराष्ट्र तथा व्यापारसम्बन्धी सचिव जानले हस्ताक्षर गरेको अस्ट्रेलियास्थित नेपाली राजदूतावासले जनाएको छ। दुई सचिवबीच द्विपक्षीय परामर्श संयन्त्रको बैठक मंगलबार हुनेछ।
