- वि.सं २o७९ भदौ ८ बुधबार
महाभियोग सिफारिस समितिले निलम्बित प्रधानन्यायाधीश चोलेन्द्रशमशेर जबरालाई बयानका लागि बोलाउने भएको छ।
सिंहदरबारस्थित कानुन समितिको सभाहलमा बुधबार बसेको समितिको बैठकले १५ भदौमा बिहान ११ बजे निलम्बित प्रधानन्यायाधीशलाई बयानका लागि बोलाउने निर्णय गरेको हो।
त्यसैगरी, बैठकले १८ वा १९ गतेभित्र प्रतिनिधिसभालाई प्रतिवेदन बुझाउने गरी कार्यतालिका पारित गरेको बैठकको अध्यक्षता गरिरहेका ज्येष्ठ सदस्य रामबहादुर विष्टले जानकारी दिए। त्यसअघि भदौ ९ देखि १२ सम्म प्रमाण संकलन गरी अध्ययन गर्ने विष्टले बताए।
