- वि.सं २o७९ श्रावण २२ आइतबार
गायिका सोफिया थापाले ‘आवाज’ बोलको गीत सार्वजनिक गरेकी छिन् । महिला अधिकारको वकालतलाई बल पुग्ने गरी उक्त गीत सार्वजनिक गरेको उनले बताएकी छिन् ।
महिलामाथि हुने अन्याय, शोषण, हिंसा र षड्यन्त्र महिलाले नै महसुस नगरेसम्म परिस्थिति नबदलिने सन्देश उनको गीतले दिएको छ ।
‘तीज नजिकिँदै गर्दा यो गीत रिलिज गरेको छु । महिलाले स्वतन्त्रतापूर्वक चाडपर्व मनाउन पनि यथार्थतालाई बदल्न सक्नुपर्छ । म आफ्ना गीतबाट महिलामुक्तिका लागि सधैँ संघर्ष गरिरहेको छु,’ उनले भनिन् । गीतमा हरि लम्सालको संगीत र कवि तथा गीतकार रमेश क्षितिजको शब्द छ ।
