- वि.सं २o७९ श्रावण २० शुक्रबार
गोरखामा नयाँ नागरिकता लिनेभन्दा नागरिकताको प्रतिलिपि लिने धेरै रहेको पाइएको छ । आर्थिक वर्ष ०७८/७९ मा १६ हजार ४७ जनाले नागरिकताको प्रतिलिपि लिएका छन् । १२ हजार ८६ जनाले वंशजको आधारमा नागरिकता लिएका छन् भने आठजनाले वैवाहिक अंगीकृत नागरिकता लिएको जिल्ला प्रशासन कार्यालय गोरखाका प्रशासकीय अधिकृत काजीमान सुनारले बताए ।
आर्थिक वर्ष ०७८/७९ मा तीन सय २४ नाबालक परिचयपत्र वितरण गरिएको छ भने आठ सय २० वटा पेन्सनसम्बन्धी कागजात प्रमाणति गरिएको र दुई हजार एक सय ९७ वटा जनजाति–दलित–मुस्लिम प्रमाणित कार्ड वितरण गरिएको उनले जानकारी दिए ।
