चालू आर्थिक वर्ष ०७८/७९ को अन्तिम कारोबार दिन नेप्से सामान्य अंकले बढेको छ। शुक्रबार नेप्से परिसूचक ७.९३ अंकले बढेर २००९.४७ बिन्दुमा पुगेको हो।
त्यस्तै, सेन्सेटिभ इन्डेक्स २.७७ अंक बढेको छ भने फ्लोट इन्डेक्स १.११ अंक र सेन्सेटिभ फ्लोट इन्डेक्स १.५४ अंकले बढेको छ। शुक्रबार नेप्सेको २ घण्टामा भएको २३१ कम्पनीको ४० लाख ५१ हजार कित्ता सेयर १ अर्ब ४५ करोड ६२ लाख ५९ हजार रुपैयाँबराबरको खरिदबिक्री भएको छ।
बिहीबारको तुलनामा शुक्रबार कारोबार रकम घटेको छ। बिहीबार २ अर्ब ४१ करोड १८ लाख ३४ हजार रुपैयाँबराबरको खरिदबिक्री भएको थियो। नेप्सेका १३ उपसमूहमध्ये ६ उपसमूहको परिसूचक बढेका छन् भने बाँकी ७ उपसमूहका सूचक घटेका छन्। जसमा लघुवित्त उपसमूहको परिसूचक १.५७ प्रतिशत बढेको छ। त्यस्तै, म्युचुअल फन्ड र बैंकिङ उपसमूहको परिसूचक १ प्रतिशतभन्दा बढीले बढेको छ। तर, बाँकी अन्य उपसमूहको परिसूचक १.६८ प्रतिशतले घटेका छन्।