- वि.सं २o७९ असार २८ मंगलबार
गीतकार, गायक तथा संगीतकार गौतमसागर राईले आफ्नी स्वर्गीय आमाको सम्मानमा ‘आमा’ बोलको गीत सार्वजनिक गरेका छन् । उनले एक महिनाअघि मात्रै आमा डिल्लीमाया राईलाई गुमाएका थिए ।
आमालाई अमेरिका लैजाने तयारी गरिरहेकै अवस्थामा एक्कासि आमाकाे निधन भएको खबर पुग्दा उनी विक्षिप्त बन्न पुगे । गीतमा उनले त्यही पीडा पोखेका छन् । हाल अमेरिकामै रहेका उनले आमाविनाको गाउँघर अत्यन्तै नरमाइलो लाग्ने भाव व्यक्त गरेका छन् । जुन गीतले आफ्नी आमा गुमाएका जोकोहीको मन–मस्तिष्क हल्लाएर जान्छ !
गौतम स्वयंको शब्द र संगीत रहेको उक्त गीतमा गायक राजेशपायल राईले स्वर दिएका छन् । मनोजसाङसङ राईको एरेन्ज रहेको उक्त गीत स्टुडियो किङमा रेकर्ड गरिएको हो । झस्केको क्रियसनले निर्माण गरेको गीत गौतमसागर राईको युट्युब च्यानलबाट सार्वजनिक भएको हो ।
