- वि.सं २o७९ असार १२ आइतबार
सोलुखुम्बुमा वैवाहिक बलात्कारको आरोपमा एक पत्रकार पक्राउ परेका छन् । गोरखा घर भई सोलुखुम्बुमा पत्रकारिता गर्दै आएका पत्रकार पक्राउ परेको जिल्ला प्रहरी कार्यालय सोलुखुम्बुले जनाएको छ ।
ती पत्रकारमाथि पटक–पटक श्रीमतीलाई यातना दिएको तथा जबर्जस्ती करणी गरेको आरोप लागेको प्रहरी नायब उपरीक्षक सुनीलजंग शाहले बताए । गत शुक्रबार सदरमुकाम सल्लेरीबाट पक्राउ परेका थिए । आज (आइतबार) जिल्ला अदालतबाट ७ दिनको म्याद थप गरी अनुसन्धान सुरु गरेको जनाइएको छ । तर, आरोपितले भने झुटो आरोपमा फसाउन खोजिएको दाबी गरेका छन् ।
