सल्यानको सिद्धकुमाख गाउँपालिकामा गठबन्धनका उम्मेदवारलाई पराजित गर्दै कांग्रेस विजयी भएको छ । माओवादी केन्द्र, एकीकृत समाजवादीका साझा उम्मेदवारलाई तीन सय ७५ मतले पराजित गर्दै कांग्रेसका भरत गिरी निर्वाचित भएका हुन् ।

गिरीले दुई हजार एक सय ७३ मत ल्याएर निर्वाचित हुँदा गठबन्धनबाट एकीकृत समाजवादीका चित्रबहादुर चलाउनेले एक हजार सात सय ९८ मत ल्याएका छन् । उपाध्यक्षमा भने गठबन्धनबाट माओवादी केन्द्रका रामबहादुर बस्नेत निर्वाचित भएका छन् । बस्नेत दुई हजार ३५ मत ल्याएर निर्वाचित भएका हुन् ।

उनका निकटतम् प्रतिद्वन्द्वी  कांग्रेसकी पूर्णिमा चलाउनेले एक हजार नाै सय ६३ मत ल्याएकी छिन् । ५ वडा रहेको यस गाउँपालिकामा वडा नं. १ र २ मा माओवादी केन्द्र निर्वाचित भएको छ भने वडा नं. ३, ४ र ५ मा कांग्रेस निर्वाचित भएको छ।