- वि.सं २o७९ जेठ १ आइतबार
सिराहा नगरपालिका वडा नम्बर ११ मा जनता समाजवादी पार्टी नेपालका विनोदकुमार कामती पुनः निर्वाचित भएका छन्। वडाध्यक्षमा दोस्रो कार्यकालको लागि निर्वाचित भएका कामतीले ६ सय ५३ मत प्राप्त गरेका छन् । उनको निकटतम प्रतिद्वन्द्वीमा नेपाली कांग्रेसका दिपुकुमार कामतीले ५ सय २१ मत प्राप्त गरेका छन् । यस्तै नेकपा एमालेका सत्यनारायण कामतीले २ सय ३७ मत प्राप्त गरेका छन् ।
२०७४ को स्थानीय तह निर्वाचनमा वडाध्यक्षमा कामतीले दिपुलाई नै पराजित गरेका थिए । यो सँगै २२ वडा रहेको सिराहा नगरपालिकामा जनता समाजवादी पार्टी नेपालले २ वटा वडामा विजयी प्राप्त गरेको छ । वडा नम्बर १ मा महेशकुमार यादव निर्वाचित भएका छन् ।
यस्तै वडा नम्बर २ मा नेपाली कांग्रेसका राकेशकुमार यादव, वडा नम्बर १० मा नेकपा एमालेका दीपककुमार मुखिया, वडा नम्बर २२ मा नेकपा एकीकृत समाजवादीका जिवछनारायण यादव निर्वाचित भएका छन् ।
